Kotor deramwng ni simi kisa ni bagwi yak kak kha state bank of india ni khung sa branch, pati mwng swrang sal ni dipor o rajakhor aguli ni ramnagar 2 no. road gana amchai o. Swrang sal ni dipor o atomsa khe ramnagar 2 no. road amchai ni state bank ni RMS branch office ni simi hoku ongkhorwi tong mani nukjakha, bank ni samwng khwlai tongkha ah phuru bank o samwng khwlainai rok. atomsa khe hor nang mani nugwi bank bising o hai hola nangwi thangkha. koktwma manwi pati mwng thai o phawi sokphai kha khung sa engine. hirbwthar nai brindhiya rok logi logi no phawi samwng o yak rwkha. khorok sa hor bwthar nai tang bedek ni samwng khwlainai saklai kha, chung phereng ni short circuit ni simi hor nangkha na hwnui. ah hor nang mani pati mwng o khorok sa amchai ni borok saklai kha, state bank branch office bwskang ni khung sa chung phereng khuti ni simi hor nangkha, ah hor chung phereng tar bai khwlawi bank ni meter box o thangwi habkha, bank o ah phuru kwbang no loku kwthumlai jak. office ni jora o bank o hor nang mani pati mwng no twi ramnagar 2 no. road amchai o hai hola ung mani nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
