Hasteni sipahijala hangkhor Bishalgarh Morabari amchaio sal ba romwi chwng pherang eba current ni sep kwrwi. amoni bagwino jolijakgwi swrang salo lahar kasu laikha amchaini lukurog. Thangnai sal ba romwi chwng pherang kwrwi bishalgarh Morabari amchaio. amoni bagwino jolijakgwi swrang salo chwng pherang tang bedekni haba nogo tala rioi jolimung phunuklaikha amchaini lukurog. borogni sanmung wngkha , dati dati borogni amchaini chwng pherangni sep khwlaiwi rina wngthon hinwi . koktwmao saimankha, sipahijala hangkhorni morabari amchaio bebagwi 400 nukhungnni borok rog tongo. sal ba romwi borogni amchaio chwng pherangni sep kwrwi wngjak . amoni bagwi haba nogo tala rioi amchaini laharno kasulai kha lukurog. jora kwdwkma rwkgwi lahar kasujak tongmani bagwi thanglaisu khwlainai malkhung rog mwthakjakgwi tonina nangkha. patimungni koktwma manwi aro thangwi sogwi kha naimwthang bodol rog. kokdokni bisingtwi khe chwng pherang tang bedekn montri Ratan Lal nath bai kok masa mani yagulo datino borogni jwngjalno mwthakjaknai hinwi khwnai lahar kasumano rosai nahar kha amchaini lukurog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
