Sapung hopung watwi phaima bai Banamalipur amchai oh watwi ni twi lomsakha. Aboni bagwi kwrak salo Banamalipur bidhansabha kendra ni kwbangma amchai goriwi naikha pradesh BJP ni president Rajib Bhattacharya. Asalo bini logi tongkha Mayor Dipak Majumder no khobui kubuni adongrok. Bankundiry phaimani bagwi thanai nwi chi bwrwi jora oh haste oh belai no nobar watwi phaikha. Hapung sapung watwi phaimani bagwi aulini kwbangma amchai oh twi lomsakha. Banamalipur ni kwbangma amchai oh watwi ni twi bathagwi tongbaikha. Aboni koktwma manwi amchai rokno goriwi naina thangkha pradesh BJP ni president Rajib Bhattacharya, asalo bini logi tongkha mayor Dipak Majumder no khobui kubuni adongrok. Asalo koktwma thumnai rokni bwskango pradesh BJP ni president Rajib Bhattacharya sakha, kisa watwi phaima bai no banamalipur amchai oh twi lomsawi thango. Ah patimungni yak kakrina bagwi nangkukmani yapri naharkha haste haphang. Aboni yagulo Narmada sahan amchai dokhol khwlaiwi kwbangma amchai oh samung choliwi tongo. Aboni bagwi no watwi ni twi kwchawi tongo. Abono twiwi Agartala municipal corporation ni mayor Dipak Majumder no kok sakha hinwi sakha bo. Amchaini abohai patimungni yagulo no amchaini MLA siring siring tongmani bagwi belai no kha-khamjak bo, BJP bodol lukorog ni gana oh tongwi samung khwlaiwi tongo. Phiyabha amchaini MLA abohai khe siring siring khe thuwi tongphano, lukorog ni gana oh tongwi samung khwlainai hinwi sakha pradesh BJP ni president Rajib Bhattacharya. Khursathai kwlai oh, tang salo sapungno watwi phaikha. Nobar watwi phaima bai kwbangna amchai ni chwngphereng ni pilar tei bwphang waphang rok baiwi kwlaikha. Aboni bagwi kwbangma amchai oh chwngpherengni jwngjal nukjakha. Kwrak salo sapung hopung nobar watwi phaimani bagwi Agartala municipal corporation ni pump machine oriwi thangma bai kubuni doly hai khe no Banamalipur oh watwi ni twi bathakha. Aboni yagulo dakti no chwngphereng use khwlaiwi twi sojaknai machine chengsarijakha. Aboni yagulo aulini kwbangma amchai oh watwi ni twi rangsakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
