Watui phaiya phano haste o bankundri remal phai mani bagwi tabuk khe twisa ni twi rok lombai tongkha, tang salni phung ni simi kwrak sal ni aichug jora watui phai mani bagwi kirima sinsa ungjak haste ni hawrah twisa ni twi. Kokti salni hor ni simi bankundri remal phai nani chengkha, ah remal bankundri phaimani yak kakliya Tripura haste bo. kokti sal ni hor ni simi haste ni dal bidal thai o watui ni logi nokbar bo phai kha, tang salo sapung watui wakha, abo ni logi nokbar bo rwkha. sarig ni dam char ni simi watui kwbang phai kha kwrak sal ni aichug jora. abo ni bagwi hawra twusa ni twi kwbang ung mani nukjak kha, kwrak sal ni dipor ni dam sa ni simi je koktwma man mani sai mankha hawra twisa ni twi 39 centimeter ni sakha kai thang kha, phiya ba watui phai ya khe tei kwrak sal ni sanja jora o no kisa twisa ni twi kom ung nai hwnui wansuk mwng dal bidal mohol ni simi. sathai kwlai o remal ni bagwi haste o tang sal ni simi kwrak sal jora kaham no watui wakha. kwrak sal ni phung o bankundri remal meghalaya tei south assam gana amchai o thang kha, salbar nokbar tang bedek ni bwkhak twi sai mankha kwrak sal ni sarig o bankundri salka assam ni phasing thang mani bagwi haste o remal ni phan twruk twruk khe kom ung nani nai tongkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
