Kokti sal ni hor kwthug o no ah bankundri remal bangladesh ni khepu para tei pachimbanga ni sagar deep ni kwchar o bangladesh ni mongla o phawi kwlai mano,remal bankundri ni bagwi 110 ni simi 120 kilo meter ni sebo kwbang nokbar phawi mano, baksha baksha thai rogo khe ba watui kwbang bo phawi mano hwnui sakha, haste o bo remal ni bagwi watui phainai. ah bankundri ni bagwi haste ni south hangkor, gomoti hangkor, dhalai hangkor, sepahijala hangkor, khowai tei salthang Tripura hangkor ni sal bidal thaio kwbang no wtui phaiwi mano hwnui sakha.watui ni logi nokbar kotor bo phawi mano, abo ni bagwi south, gomoti,dhalai,sepahijala, khowai tei salthang tripura hangkor o alart rwjakha, north Tripura tei unakoti hangkor o pherang ni logi watui tei nokbar kotor phawi mano. kokti salo mahakaran o kokthum panda khwlawi ah kok rok saklai kha haste hapang ni revenue tang bedek ni sachib Brijesh pande. kokthum panda o IMD Tripura center ni okra naikolnai Dr.Partha roy saklai kha, 27 may sal mari eba tang salo haste ni gomoti tei sepahijala hangkor o kwbang khe watui phawi mano. bankundri ni bagwi haste o 29 may salmari jora watui phai mano hwnui saklai kha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
