Pha salo kaisa kokthum panda khwlaiwi TBSE ni madhyamik tei kuchuk madhyamik amjukmungni result no saklaiwi rikha board ni okra naikulnai. saklaijakmani bai saimankha oh bisio thangnai bisini sei kaham wngkhari khwlai kha madhyamik ni rwng swrwngnai rog. Tripura madhya shikha parisad bai naikuljak madhyamik tei kuchuk madhyamik ni result saklaijak kha pha salo. ah salo parisad ni conference hall oh kaisa kokthum pandani bisingtwi result saklaiwi rikha Tripura madhya shikha parisad ni achukphang Dr. Dhananjoy gon Chowdhury. kokthum pandao saklaijak kha , hasteni 1083 rwng nogni bebagwi 33 thousand 739 jona rwng swrwngnai rog madhyamik amjukmung rikha. aro ni bisingtwi 15 thousand 782 jona wngkha chwla tei 17 thousand 957 jona wngkha bwrwi rog. bebagwi 29 thousand 534 jona rwng swrwngnai rog pass wngkha madhyamik oh. bebagwi 87.58% rwng swrwngnai pass wngkha madhyamik oh. ah salo parisad ni bwkhaktwi saklaijak kha thangnai bisi pass wngmani mari tongmani 86.32 %. hasteni bebagwi 310 school oh passing percentage wngkha 100% .tei khaksa phaisingo hinkhe 16 school oh hinkkhe khoroksabo pass wngliya omo haibo tongo. hangkhor rwk beremo joto ni hai pass wngnai ni mario tongo gomati hangkhor. aro bebagwi 92.96% rwng swrwngnai rog pass wngkha. kokthum panda Tripura madhya shikha parisad ni achukphang Dr. Dhananjoy gon chowdhury teibo sakha , haste gwnangwi bebagwi 408 school ni 25 thousand 350 jona rwng swrwngnai rog kuchuk madhyamik amjukmung rikha . aroni bisingo 20 thousand 95 jona pass wngkha. percentage bai hinkhe 79.29% wngkha. phiya thangnai bisio kuchuk madhyamik amjukmungo 83.52% rwng swrwngnai rog pass wngmani. hangkhorni beremo kuchuk madhyamik ni jotoni sei kwbang rwng swrwngnai pass wngkuknai hangkhor wngkha sipahijala. saklaijakmamo rwksai saimankha thangnai bisini sei oh bisio kaham wngkhari khwlai kha madhyamik tei hamya khwlai kha kuchuk madhyamik.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
