2021 bisio april talo corona akarwi tongmani jorao hasteni mung gwnang marriage hall oh corona ni raidano gosiya karwi panda khwlaijakgwi tongmani. ah jorao aro thangwi panda rogno mwthak rikha salthang hangkhor naikulnai Dr. Shailesh kumar Yadav. aboni yahulo Dr. Shailesh kumar Yadav no kebengwi kai tham mamla khwlaijak kha high court oh . pha salo ah kai tham mamlani no saklaimung rikha high court. Corona akarwi tongmani jorao haphangni saklaijakmungni gosiya karwino agartala ni khungnwi marriage hall oh hor kothok jora panda cholikha. ah pandao thangwi dati dati no joto samungno mwthakna bagwi dagimung rikha salthang hangkhorni hagkhor naikulnai Dr. Shailesh kumar Yadav. oh patimung patikha 2021 bisini 26 april salmario. ah jorao corona ni marini khamao khiklaina bagwi haphangni bwkhaktwi saklaimung rijak mani horni dam chi ni ulo hinkhe jotono nogo ma tongnai hinwi. 2021 bisini 20 april salmario haste gwnangwino chief secretary ni bwkhaktwi disaster managment act phwnangjakmani. ah act oh saklaijakmani tongmani horni dam chi ni yagulo mungsa social contact bai kwrwngjak samung wngwi mangwlak hinwi. phiya 2021 bisini 26 april salmario oh dagimungno gosiya karwino agartalani Golap Bagan tei manikya court marriage hall oh panda songsajak kha. omo hai patimungni koktwma man mani yagulo logi logino Golap bagan marriage hall oh thangwi sogwi kha salthang hangkhor naikulnai Dr. Shailesh kumar yadav. aro horni dam chisa oh thangwi wngwi tongmani joto samung bwtangno mwthakrioi rikha bo. aboni yagulo thangkha manikya court oh , aro bo DJ tamwino panda khwlaijakgwi tong mani. arobo dr.Shailesh kumar yadav ni dagimung bai khe joto samung bwtangno logi logi mwthakgwi rijak kha. oh patimungo Dr. Shailesh kumar yadavno kebengwi kai tham mamla khwlaijak kha. ah jorao High court oh oh patimungno twiwi Dr.Shailesh kumar yadav no kebengwi mamla khwlaikha manikya court oh kaijaknai bwrwini bupha Swapan kumar Deb te golap bagano kailai pandao pandit wngnai Sarbananda Jha. tei kaisa wngkha tongkosong lukurogni hamkwraini bagwi. ah mamla khwlaikha kerong mwthangnai Bhaskar Debbarma. oh kai tham mamla no thansa khe twiwi high court oh saklaimung khwlaijakna chengkha. sal kwdwkma oh mamlao koklam khwlaijakmani yagulo high court ni divison bench oh kai tham mamlao dr.Shailesh kumar yadav no mungsa chaya kwrwi hinwi saklaiwi rijak kha. kai tham mamlano no kharich eba batil khwlaiwi rikha high court ni division bench. ah bench oh tongo high court ni chief justice Arindam Lodh. pha salo dr. Shailesh kumar yadav ni bwkhaktwi oh joto mamla no sakalai kha kerong mwthangnai Samrat Kar Bhowmik. khursathai kwlaio ah khungnwi marriage hall oh ah salo je patimung pati kha amo hakotor gwnangwi social media rogni bisingtwi belaino viral wngkha . hakotor tei haste gwnangwino oh patimungno twiwi kwbangma koklam achaikha ah jorao.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
