Samwng khwlainai rok kaham khe samwng khwlaiya ni bagwi lama ni samwng tabuk mwthagjak, pati mwng jubaraj nagar bidhan sabha bai khbjak mangal khali amchai o, paithago sangrong salo amchai ni loku rok joli lai mwng phunugwi lama kasulaikha. Dati khe lama ni samwng pai rwna ni bagwi sanlai mwng khwlawi lama kasulai kha amchai ni loku rok, pati mwng sangrong sal jubaraj nagar bidhan sabha bai khobjak mangal khali amchai o. sathai kwlai o dharmanagar panisagar road ni krishnapur hati amchai ni simi mangal khali ungwi thang mani lama PM yojona samwng bwtang bai no samwng ungwi tongkha, amchai ni loku rok ni kok silsamwng, ah lama lai thanai tal dok ungkha samwng chengkha . phiya ba lama ni samwng o gwdaljak contractor rok sal nwi sal tham samwng khwlawi no lama ni samwng mwthagwi rwkha, ah lama twi tabuk thang phai khwlai nani deramwng o kwlai jak amchai ni loku rok. kami ni loku rok ni kok silsamwng, samwng yago nawi sal nwi samwng khwlawi teisa samwng mwthagwi rwkha, tei mwng sa bo lama manya ungwi amchai ni loku rok sangrong sal ni phung o lama kasu laikha, dam nwi romwi lama kasu lai mani ulo, paithagi dharmanagar thana ni police pati mwng thai o sok phawi kok samani ulo lama kasu mani rosai rwkha amchai ni loku rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
