kendra haphangni gosimung baino tabok hasteobo Citizenship Amedment act eba CAA boksina bagwi samung chengsai rijak kha. kendra haphangni wngwi hasteni hangkhor rwk beremo oh samungno empower khwlaina bagwi committee swnamjak kha. haste rwk beremni bagwi khorok sni borokno twiwi kaisa committee swnamjak kha. ah committee ni chairman chonghorjak kha jono gonona haba nogni adong Rabindra Reang no. Hasteo CAA phwngjakmano kebengwi tabok hasteni kwbangma thwngrwng bodol rogno kebeng mung phunukgwi tongo. Kwrak salo haste ni tripura pradesh congress ni kaisa bedek hasteo CAA phwnangjakmano kebengwi jolimung phunuk kha. amoni bagwi ah salo borog hasteni chief secretary ni thanio deputation bwlai joma rilai kha. ah samung bwtango manjak kha hasteni kwcham montri Manindra Reang , kwcham MLA Dibachandra Hrangkhol , Ashok Debbarma , Kiranta Tripura tei Kumar Jamatia no khobwi kubuni ojama rog. Deputation bwlai joma ribaima yagulo kumar Jamatia saklai kha , 1971 bisio hasteo kwbangma mario phatar hakotorni borok rog tongna bagwi phaikha. tabok hasteo CAA phaikhe tiprasa dophani lukurogni bagwi tongwi mana teibo hamya wngwi thangnai. baithangni jorao 40 lakh tripura ni lukurogni bisingo bebagwi 30 % no tiprasa rog tongsio. CAA pass wngkhe oh mari tei tolao kwlainai hinwi sakha kumar Jamatia.
khursathai kwlaio ,haste haphangbai kwthajak Tipra motha bodolbo CAA no twiwi tabok kebengmung khwlaiwi tongo. tei kwbangma thwngrwng bodolbo oh CAA bill no twiwi tabok khorang tisana chengsai tongo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
