Teliamura bwkhaste ni Krishnapur bidhansabha kendra bai khobjak kwbangma amchai oh mayung kwthwng ni akarmung nukjagwi tongkha. Chasalni sarigo Krishnapur bidhansabha kendra bai khobjak Kapalitila amchai oh chopropkha mayung kwthwngni kaisa bodol. Mayung kwthwng bai chopropjagwi thwikha masa mwsok. Mayung kwthwngni bodol masa mosok no kaphigwi bwthar khibikha. Oh mosok Kapalitila amchai oh tongnai Amal Chowdhury ni hinwi saimankha. Hukbar khwlainani bagwi nogo mosok riwi tongmani bo. Mayung kwthwng bai chopropjakmani yagulo bolong tangbedekni yakumu no twiwi belai no jolijakha. Asalo bo sakha, abohai khe salbrom no mayung kwthwng bai chopropjakhe thai yakarwi thangnani no karwi tei mungsa bo lama kwrwi borokni.Kapilatila kamini tei khorok sa hukbar khwlainai sakha, Mayung kwthwng bai chopropjakmani koktwma bolong tangbedekno sahorjakha, phiyabha bolong tangbedekni bwkhak twi mungsa bo yapri naharjakya. Sal kisa swkang khorok sa hukbar khwlainai no bwtharwi khibikha mayung kwthwngni kaisa bodol. Phiyabha tabok khe masa mosok no bwtharwi khibikha, aboni yagulo bo bolong tangbedekni bwkhak twi mungsa yapri naharjakya. Mayung kwthwngni yakni safe khwlaina bagwi naimwthang bodol bwskango phaiya hnk, haphang chwngno bwtharwi khibithung hinwi sakha khorok sa hukbar khwlainai.
