Hamkrai ni hakotor wngwi 100 bisi hakotor yoksamani sal palainai Bharat hakotor. Koktisalo abohai no sakha montri bokhorok Narendra Modi. Bo teibu sakha, 2047 bisi ni bisingo Bharat kaisa phan gwnang hakotor wngnai. Corruption, casteism tei communalism ni yakni kakjak hakotor wngnai. Asalo G-20 ni kok bo sai khwna rikha montri bokhorok Narendra Modi. Abono twiwi montri bokhorok sakha, Bharat hakotor thinango kubuni hakotor no lama phunukjak. Hayungni GDP bai khobjak wansukmung rok joto no swlaijagwi tongo. O swlaimungni samung khwlaiwi tongo Bharat. Asalo bo teibu sakha, Bharat no tabok nogwi 100 crore ni sai kwbang wansukmung tei 200 crore ni sai kwbang kwrwng yak hinwi sinijagwi tongo Bharat. Phainai bisi rogo Bharat hakotor ni lukorog bangmani no samungo phwnangwi manai hinwi kha khwlaikha montri bokhorok Narendra Modi. Asalo kebengnai bodol rok no swkangni haphang New-Delhi ni phataro kwchuk berem ni panda khwlainano kirijago, phiyabha tabok abo joto no swlaijakha. Phainai salo hayungni joto jwngjal no mwthakna bagwi lama phunuknai hinwi sakha montri bokhorok Narendra Modi.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
