Haste ni hukbar khwlainai rok ni thani rang sanwi tongkha police okra naikolnai Chandraketu Tripura, abo no kebeng mwng phunugwi thansa ungwi hukbar khwlainai rok lama kasulaikha, pati mwng santirbazar bwkhaste baikhora mwikhutung hati gana amchai o. Santirbazar bwkhaste bai khobjak baikhora mwikhutung hati o sal brum brum no auto malkhung bai khwlawi dal bidal amchai ni simi phai o hukbar khwlainai rok.tei hukbar khwlainai loku rok ni thani rang nahar o hwnui kok silsamwng kasakha police okra naikolnai ni phasing. kok silsamwng Chandraketu Tripura ni mwngui khoroksa police okra naikolnai hukbar khwlainai ni mwikhutung ni auto malkhung no kasuwi 200 rang nahar tongkha, cha salo police okra naikolnai Chandraketu Tripura belai no samwng hamya khwlaikha hukbar khwlainai rok bai.khung nwi chiba ni kahai malkhung bathak rwoi rang sanmani nukjakha. phiya ba hukbar khwlainai rok ah salo police okra naikolnai no rang rwiya hwnui sakha, tei ah phuru no jolijagwi muikhtung ni auto malkhung rokno dam nwi romwi lama o bathak rwoi tonkha police okra naikolnai,ah patimwng o thansa ungwi hukbar khwlainai rok bazar bwskang ni lama kasulai kha, ah salo khorok sa hukbar khwlainai saklaikha, rang rwiya ni bagwi borok ni malkhung no dam nwi romwi lama o no bathak rwoi tonkha police okra naikonai chandraketu Tripura.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
