Sabroom ni moitri setu twi malkhung cholinai tei Agartala gana ni Nishchintapur ni simi Akhaura jora dakti no rail cholinai. Phasalo aulini Riyadul Jannah Jame Masjid committee ni luajimung bai songchajak thwirimani panda paimani yagulo koktwma thumnai rokni bwskango abohai no sakha haste ni montri okra Dr.Manik Saha. Asalo montri okra sakha, montri bokhorok Narendra Modi North-east ni hamkrai ni bagwi Act East Policy ni yapri naharkha. Oh policy rokno dakti no chengsajaknai. Dakti no Moitri setu twi malkhung cholinai. Aboni logi Agartala Nishchintapur ni simi Akhaura jora dakti no rail cholonai hinwi sakha montri okra. Citizenship Amendment Act no twiwi montri okra sakha, Kendra haphang ni dagimung bai no joto nangkukmani yapri naharjaknai hinwi sakha bo.Khursathai kwlai oh 2015 bisi oh Sabroom ni moitri setu swnamnani chengsakha. Ah bisi no foundation stone no phiyogwi rikha Bharat hakotor ni montri bokhorok Narendra Modi tei Bangladesh ni montri bokhorok Sheikh Hasina. 2021 bisi oh 133 crore rang swbaiwi oh kwtal swnamjak moitri setu no phiyogwi rikha khungnwi hakotor ni khorok nwi kwchuk berem ni ojama. Aboni bising twi Bharat hakotor ni kubuni haste rok Bangladesh ni bising twi kubuni haste bai gwdalwi manai. Bharat-Bangladesh ni halok no nasigwi no oh setu ni mung narukjakha moitri setu. Oh moitri setu ni bising twi khe Bharat ni Heavy equipment tei cargo transportation Bangladesh twi khe North-east oh phaiwi mano. Tei baisa bwkhak 2023 bisi ni 1st november oh Agartala Akhaura rail projects no phiyogwi rijakha. Video conference ni bising twi oh projects no phiyogwi rikha khungnwi hakotor ni montri bokhorok Narendra Modi tei Sheikh Hasina. Ah moitri swnammao bebagwi rang baikha 1 thousand 255 crore 10 lakh rang.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
