Udaipur ama Tripura sundari mondir gana ni kaisa hotel oh sak phalmani bania choliwi tongo. Oh patimungo gwdaljak khorok nwi no romkha police. Patimungni koktwma thumna thangwi hotel bugra bai bujakha koktwma thumnai rok. Ama Tripura sundari ni hai mondir oh abohai patimung patimani bagwi belai no urpatilaijak amchai rwgwi. Ama sati ni 51 peet ni bisingo kaisa peet wngkha Udaipur ni Matabari. Oh kwthar thai oh salbrom no kwbangma boktorok phaiwi tongo. Oh kwthar thai gana ni kaisa Baner-hin hotel oh salbrom no sak phalmani bania choliwi tongo koksilsamung kasakha. Sangrong salo ah koksilsamungni prove koboi koboi no mankha. Koktwma oh sawi mankha, asalo khorok sa sebok khwlainai office oh thangya karwi, chwla bwrwi no twiwi Matabari amchaini Shri Durga guest oh thangkha. Ah guest house oh chwla bwrwi tei ah sebok khwlainai sak motokjagwi tongmani jora oh aro thangwi sagwikha koktwma thumnai rok. Koktwma thumnai rok Shri Durga guest ni bugra Montosh Debnath ni thani patimungno twiwi sawi manna thangkhe koktwma thumnai rokno jolijakha bo. Aboni logi khorok sa koktwma thumnai no belai no bukha hotel ni bugra hinwi kokilsamung kasakha. Ah jora oh koktwma thumnai rokni yagni camera tei mobile segwi nakha hotel ni bugra Montosh Debnath. Oh patimungo belai no sak derakha khorok sa koktwma thumnai. Patimungni koktwma manwi patimung thai oh thangkha RK pur thana ni police. Police Shri Durga guest house ni kwbangma room check khwlaiwi khorok nwi no ramwi twlangkha. Ah jora oh koktwma thumnai rokni bwskango mungsa kok saliya police. Oh patimungni police ni tamo sak tharmung tong abono simi no nainani tongsio. Asalo guest house oh raid khwlaiwi kono bwrui no ramwi manliya police. Aboni sai swkangno chwla bwrwi rokno hotelni okologni doga twi khe phataro tikhalaiwi horkha hinwi koksilsamung kasakha. Matabari hai aswk kwthar ni thai oh abohai samung khwlairimani bagwi belai no jolilaijak amchaini lukorog. Aro phaiwi samung hamya khwlainai rokno dakti no romnani bagwi sanlaikha amchini lukorog. Tabok police tamo yapri naharno abono nasiknani tongsio.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
