Phatar haste ni logi haste ni connection kisa deramwng o kwlai mani bagwi hati ni khaksa thai ni bania khwlainai rok rang kwbang khwlawi manwi phalwi tongkha, abo no twi sangrong salo rajakhor aguli ni dalbidal hati ni bania khwlainai rok no twi bwkhaste naikolnai Maniklal das achuglai mwng khwlaikha. Lai thanai 25 april assam ni dima hasao hangkor o khung sa manwi rwkamwng malkhung lahar pati mwng o kwlaikha, abo ni ulni simi no rail lama bo mwthagjak thangkha, assam ni silchar, karimganj tei Tripura o petrol ni beyal nukjakha.sangrong sal no twi sal chi bwrui romwi haste gwnagui petrol ni beyal nukjak tongkha. aabo hai habar o khak sa thai ni bania khwlainai rok rang kwbang khwlawi petrol phalwi tong mani bo kok silsamwng kasa kha, abo ni bising o alu te peyajo ni rang ni mari kwbang ung nani nai tongkha, dal bidal kokthum tang bedek ni bwkhak twi kokwtma pirlai khe no tabuk naikol nani chengkha aministration ni bwkhak twi. sangrong sal ni phung o sadar bwkhaste naikolnai tang bedek o rajakhor aguli ni dal bidal hati ni bania khwlainai rok no twi achuglai mwng khwlai kha sadar bwkhaste naikolnai. achuglai mwng ni ulo bania khwlainai rok administrantion ni logi bachawi no samwng khwlainai hwnui gosi mwng naharjakha. ah salo achuglai mwng pawi sadar bwkhaste naikolnai kokthum thum nai rokni bwskang o saklaikha, nangkuk mani manwi khunwi ni rang ni mari no twi dati khe no hati rogo thangwi naicherwi naikolnai, abo ni swkang bania khwlainai rok no sakthar mwng rwnani bagwi no achuglai mwng ringkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
