June tal ni 2nd week eba 3rd week ni biing o no AGMC eba GB sakham ogo kidney transplant ni samwng chengwi rwjak nai, swrang salni horo IGM sakham nogo naikol na bagwi thangwi kokthum thumnai ni bwskang o abo hai khe no samani nukjakha haste ni montri okra Dr.Manik saha no. Swrang sal ni horo atomsa khe IGM sakham nogo thangkha montri okra Dr.Manik saha. montri okra ni logi tong o haste hapang ni secretary, health officer, IDM sakham nok ni medical super ni logi kwchug thi ni samwng khwlainai rok.montri okra IGM sakham nok ni kwbangma ward berai naikha, saknairwjagwi tong nai bemar ung nai loku rok no bo naicherwi naikha montri okra. sakhamnok berai nai mani yagulo montri okra saklaikha, kausa kaisa ward ni samwng kisa deramwng o kwlaijak, abo rok dati khe samwng bwtang yago naharjak nai, sakham nok ni naikolnai rok no gosimwng rwjakha hwnui bo saklai kha bo. kokthum thumnai ni swng mwng o montri okra saklaikha, dati khe no haste o kidney transplant ni samwng bo chengwi rwjak nai, sana thang khe, phai tong nai june tal ni 2nd week eba 3rd week ni bising o no ah samwng chengwi rwjaknai. abo ni bagwi kaisa foundation bai bo signature ungkha hwnui saklaikha montri okra. montri okra teibo saklai kha haste o bo kidney transplant ni samwng chengwi rwjak khe, haste ni loku rok no tei phatar haste o thang nani nangalak, tei kidney ni samwng chengwi rwjak khe no liver transplant ni samwng bo songsai rwna ni bagwi wansugwi tongkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
