Kwrak salni dipor jora oh Teliamura bwkhaste naikolnai ni tangnogo sebok khwlaiwi tongnai thwikha. Bini mung Jayanta Debnath, omar 38. Koktwma oh saimankha, thanai kisa ramwi no work, no pay ni raida oh Teliamura bwkhaste naikolnai ni tangnogo sebok khwlaiwi tongo Jayanta Debnath. Kwrak salo Teliamura bwkhaste naikolnai ni tangnog gana ni kaisa nogo Jayanta Debnath ni mangkwthwi mankha. Amchaini lukorog bini mangkwthwi nogwi hor bwtharnai rokno koktwma horkha tei patimung thai oh phaiwi Jayanta ni mangkwthwi no khochawi Teliamura sakham nogo twlangkha hor bwtharnai rok. Teliamura bwkhaste naikolnai ni tangnogo sebok khwlaiwi tongo Jayanta Debnath thwimani bagwi belai no sungmung achaiwi tongkha. Tamo khe thwikha abono twiwi naicherwi tongo police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
