Phekjak nai manwi ni naitug mwng o teisa haino hai kaham samwng khwlai mani nukjakha agartala sarkari rail police no. huijak koktwma ni bising twi agartala rail station o naitug mwng khwlawi mankha 61 kg sidhi kwran, abo ni logi romkha khorok nwi sikla no bo. man mani phekjak nai manwi hati o dor ungnai 5 lakh rang hwnui saklai kha agartala rail police thana ni OC Tapash das. kokti salni dipor o huijak koktwma ni bising twi saimankha, agartala rail station ni simi train bai khwlawi kwbang phekjak nai manwi bania khwlai jak nai, abo hai kh no kwchug thai ni police okra naikolnai tei GRP ni twdul mwng bai khorok nwi phekjak nai manwi ni bania khwlainai no romkha, abo ni logi borok ni bag bising ni mankha 61 kg ni sidhi kwran. romjak nai khorok nwi sikla no bihar ni patna tei baishali hangkor ni tong nai. sal bwrui ni swkang bihar ni simi agartala o phai mani borok. rani kamalapati express train bai khwlawi kwbang ma phekjak nai manwi bihar ni phaing thang nani nai tong mani borok.samwng hamya khwlainai rok ni phasing NDPS dhara o dorbar khwlai jakha, police ni remand sanwi tang salo adalat o tisai rwkha agartala rail police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
