Sak naikolmani hamya wngwi swkango bo waire wai no koktwma oh kasakha haste ni mung gwnang private hospital ILS. Tabok khe ILS hospital no kebengwi teibu kotor koksilsamung kasakha. Patient ni nogni borokni permission naya karwi no kwbangma dalbidal test khwlaiwi kwbangma fees charge khwlaimano twiwi hospital no kebengwi koksilsamung kasakha. Patimungno twiwi saimankha, Thyroid patient no twiwi tangsalni horo ILS hospital oh thangkha Badharghat oh tongnai Shyamal Deb. Phiyabha hospital oh thangmani yagulo patient eba bini family members rokno mungsa sungya karwi no dalbidal ni test khwlaikha hospital ni doctors rok. Test paimani yagulo patient eba patient ni family members ni yagu kwbang rangni bill swnamwi rikha hospital ni adongrok. Arobo bathakliya ILS ni adongrok, test paimani yagulo, patient tei bini family members rok bai thaisa kok salaiya karwi no operation khwlainani yapri naharkha ILS hospital ni doctors rok. Aboni yagulo doctors rok bai kok salaiwi patimungno twiwi sawi manmani yagulo bill riwi hospital ni chup chap patient no tubuwi ongkhorwi phaikha patient tei bini family members rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
