Haste tungphwlamani belai no mar wngwi tongkha. Kono kono thai oh 40 degree temperature par wngwi tongkha. Aboni bagwi no belai no jwngjalo kwlaijak tongkosong lukorog. Oh jora oh sak kaham tongna bagwi joto no nogni ta khordi hinwi sakha sk naikolnai rok. Phiyabha chamung nungmung kwrwi ni bagwi nogni ogkhorna nangwi tongkha lukorog ni. Phiyabha oh satungo ongkhornai rokno nungjaknai tui rinani bagwi yapri naharkha pradesh BJP ni president Rajib Bhattacharya. Chasalo aulini Ram Thakur songha ni amchai ni lama oh himwi tongnai rokno tui bakkha bo. Amchaini lukorog abohai kwthar samungo gwdal phaimani bagwi amchaini lukorog no kha kaham tei hambai yapharkha pradesh BJP ni president Rajib Bhattacharya. Aswk satung tungmani jora oh, belai no nangkukmani samung rokno karwi nogni ta ongkhordi hinwi sakha tei joto no sakni raida no maniwi cholinani bagwi koikha pradesh BJP ni president Rajib Bhattacharya.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
