Phasalo salka Tripura oh Loksobha chongmari wngkha. Haste ni kubuni thai ni hai khe no Kamalpur oh bo tongkwchang ni bising twi vote naharjakha. Kono center oh phano mungsa phano hamya patimung kwrwi hinwi saimankha. 45-Kmalpur tei 46-Surma bidhansabha kendra oh ter hai khe no vote naharjakha. Aswk tongmani jora oh line romlaiwi no tongkwchangni bising twi vote rilaikha lukorog. Kwrak naikolmungni bising twi no vote naharjakha. Asalo Devangi Bhattacharya mungwi khorok sa sikla puila vote riwi belai no khatung khaza wngkha bo. Asalo sakni hik tei bwsajwk no logi twiwi vote rwikha kwcham montri eba MLA Manoj Kanti Deb. Asalo koktwma thumnai rokni bwskango bo sakha, salka Tripura oh BJP ni wngwi batainai Kriti Singh Debbarma kwplai wngnai hinwi sakha bo.Vote rimani yagulo vote kendra oh selfie nawi joto no vote rinani bagwi kha-thangsarikha MLA Manoj Kanti Deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
