Salka Tripura loksabha achugthai o wai nwi dopha ni vote songsa jaknai pha sal eba 26 april salmario. tongkwchang habar ni bising twi chongmari khwlainani bagwi chongmari commission ni bwkhak twi kwrak naikolmwng rwjakha, haste o kwbang khe kendriya sengkwrak tei police ni naikol mwng rwjakha. vote ni samwng khwlainai rok bo sangrong salno no jani jani vote kendra o lam rwmani nukjakha, salka achugthai bai khobjak dharmanagar bwkhaste ni kai bwrui bidhan sabha kendra dharmanagar,bagbasha, kadamtala-kurity tei jubarajnagar bidhan sabha kendra o vote ni bagwi dharmanagar bir bikram institution ni simi EVM machine nawi kwrak naikolmwng ni bising twi jani jani vote kendra o lam rwmani nukjakha vote ni samwng bai gwdaljaknai rok no. ah patimwng ni thai berai naikha aangrong salo north hangkor ni hangkor naikolnai Debapriya bardhan. kokthum thumnai ni bwskang o sawi khun rwkha, bwrui rok ni naikolmwng o kai chi sini polling station tong o north hangkor o. abo ni logi model polling station hwnui gosimwng rwjakha kai chi bwrui polling station no. sangrong salo abo hai mangpili nukjak kha jolaibari o bo, wai nwi dopha ni loksbha chongmari no kitingwi santirbazar bwkhaste naikolnai ni haba nok ni simi vote ni manwi khunwi nawi jani jani polling station ni phasing lamrwkha vote ni samwmng bai gwdal nai rok. jolaibari bidhan sabha kendra o kai dok chi polling station tong o hwnui ah salo saklaikha,santir bazar ni bwkhaste naikolnai Debojyoti roy, chongmari ni salo joto polling station oh Camera tei nungjak nai twi ni sep tonjak kha hwnui bo saklai kha bo.
