Yago tei salsa bo kwrui, abo ni ulo no songsa jak nai wai nwi dopha ni salka Tripura achugthai o 2024 bisi ni loksbha chongmari. pha sal eba 26 april salmari o songsa jak nai vote. khowai hangkor ni ramchandra ghat,ashrambari ni logi kai tham bidhansabha kendra o pha salo no vote ungnai,khowai hangkor ni joto oi 148 polling station o phung ni dam sini ni simi sarig ni dam ba jora vote rwnai loku rok.sathai kwlai o, abo ni bising o kai dok joto no bwrui rok ni polling station tong o. vote ni salsa ni swkang eba sangrong salo ni phung o khowai bwkhaste naikolnai haba nok ni simi vote ni box eba EVM ni logi nangkuk mani manwk khunwi no twi kwrak naikol mwng ni bising twi sak sak ni vote kendra o lam rwkha vote ni samwng bai gwdaljak nai rok. pati mwng thai o thangwi joto samwng naikha khowai bwkhaste naikolnai Megha jain. Vote ni samwng o gwdaljak nugwi mankha administration ni bwrui rok no. vote ni samwng o gwdal phaima bai belai khe no tongthoklaijak borok bo. kamalpur boy’s rwng nok kotor ni control room ni simi bo EVM ni logi vote ni nangkuk mani manwi khunwi no twi voyte kendra o lam rwkha sangrong salo, abo no twi sawi khuna rwkha 46 surma kendra ni ARO Subhash acharjee. kwrak naikol mwng ni bisingtwi haste o tongkwchang habar bai no wai nwi dopha ni loksabha vote ungnai hwnui wansukmwng Tripura chongmari commission ni.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
