Rajakhor aguli ni maharajganj hati o teisa haino hai naitug mwng khwlaikha chamwngtang bedek ni samwng khwlainai rok, tangwi hwnkhe kwdukma sal romwi illegal bania khwlainai rok ni phasing naitugmwng mwthagwi ton mani ulo swrang salo chamwng tang bedek ni tei sadar bwkhaste naikolnai ni luajimungbai maharajganj hati o naitug mwng khwlaikha. naitug mwng o illegal bania khwlainai khung sa phal nok mwthagwi rwna naikhe haihola ungmani nukjakha. abo ni ulo pati mwng joto no sakhe bania khwlainai rok borok hamya khwlaimani saimankha. naitugmwng o tong nai okra naikol nai saklaikha, hati o alu, peyajo ni rang ni mari ser sa o khok ba rang kwhlawi kwbang nawi tongkha tong kosong loku rok ni thani. tei borok kagoj rok bo phunugwi manya ungwi tongkha.
abo hai bania khwlainai rok ni bagwi deramwng o kwlai nani nang tongkha tong kosong loku rok ni.administration ni bwkhak twi teibo kwrak sep nahar nani nang nai hwnui sakha okra naikolnai. bo teibo saklai kha, chung atomsa khe hati o pahwi naitugmwng khwlai thangkhe kisa jora ni bagwi joto manwi no soi dam khe phal jago, hai no hai kisa jora lai thangkhe agi ni dam khe no manwi rok phal jago. tei administration rok no teibo kwrak sep naharna bagwi nang nai,bo teibo saklai kha, Noni gopal ni mwngui khorok sa bania khwlai nai ni phal nok mwthagwi rwkha, tangwi hwnkhre bo mwng sa bo chung no manwi ni memo phunugwi manlya hwnui. ah naitug mwng o phawi manjak phaikha sadar dukli food controller Pradeep kumar bhowmik, Anirudha dhar chowdhury, chamwng tang bedekni okra naikolnai Debojyoti chakraborty, food sefty officer Bishnupada jamatia akosong.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
