Congress bai batailawi nwi chi ba bisi romwi Tripura ni montri okra tong mani Manik sarkar. tei tabuk ah congress no vote rwkha bo. abo ni simi kotor lachimung tei tamo ung sinai, Tripura haste ni wai bwrui ni montri okra Manik sarkar ni. phiya ba ani wansuk mwng, Manik babu congress o vote rwliya, nota o vote rwkha hwnui, salka Tripura achgthai ni BJP ni batainai Kriti singh debbarman ni support o gandacherra bwkhaste raima valley o songsa jak mani chongmari ni lokuthum panda o phawi manjak phawi haste ni kwcham montri okra Manik sarkar ni phasing kwrak salo khuk kengkha Biplab Kumar deb. loksabha chongmari ni wai nwi dopha o salka Tripura ni tiprasa achugthai o phawi tong nai 26 april salmari o chengsa jak nani nai tongkha vote. chongmari ni paithak ni pirlai mwng o gandatwisa o kwrak salo sabha khwlai kha salthang Tripura loksabha kendra ni BJP ni ungwi batainai Biplab kumar deb tei Bubagra Pradyot kishore debbarman. bo saklai kha, tiprasa loku rok no thokogwi kwlang kha yaksi hapang, sak ni hamkwrai ni bagwi thansa unglaikha congress bai tabuk.gandatwisa ni ah lokthum panda ni simi Biplab kumar deb kwrak salo teibo saklai kha, Tripura haste o tiprasa loku rok no deramwng o khiklai kha communist tei congress ni adong rok.aguli ni simi hachal o gandacheera, atharomura, hatai kotor o waisa phano phaiya kho congress ni adong rok.raisyabari ni kahai naithothok thai o kaisa kotor lama phano swnam liya yaksi hapang. tiprasa loku rok ni bagwi simi wansukha bubagra Pradyot kishore debarman. tei tini khe bo hai no wansuk nukjakha Biplab kumar deb,Narendra modi, Amit shah no bo. kaham hamkwrai no logi twi wai tham ni bagwi hakotor ni montri bokhorok Narendra modi no kwplai khwlaina bagwi phai tong nai 26 aprril salmari o salka Tripura loksabha kendra o BJP ni batainai Kriti singh debbarma no vote rwna ni bagwi loku rok no ah salo kobok mwng khwlai kha Biplab kumar deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
