Salthang Tripura loksabha chongmari 19 april eba pha salo sak ni vote rwkha congress ni MLA Sudip roy barman, rajakhor aguli ni heritage park bai khobjak Acharya Prafulla chandra roy sriti rwng nogo vote rwkha. vote rwoi ongkhorwi no kok silsamwng khwlawi saklaikha bo, loku rok no jani jani manthai rok rwna ni bagwi kebeng mwng khwlai tongkha naikolnai bodol ni samwng khwlainai rok. haste ni khaksa vote kendra rogo no tong kosong loku rokni simi romwi CPIM tei congress ni samwng khwlainai rok no kebengwi tongkha hwnui kok silsamwng khwlaikha bo. abo ni bagwi India alliance ni vote belai khe no komi thangnai hwnui sakha Sudip roy barman,bini teibo kok silsamwng loku rok no sikirwi vote rok rwdi hwnui sawi tongkha naikolnai bodol. vote chengwi rwkhe no dalbidal thai o bwlai laikha India alliance ni polling agent no. democracy manthai ninaikol mwng o chongmari commission tei mwng sa bo khwlai manliya hwnui pha salo saklai kha 6 agartala bidhan sabha kendra ni congress MLA Sudip roy barman. phiya ba congress ni MLA ni ah kok silsamwng o kok phorok kha salthang Tripura hangkor naikolnai DR.Bishal kumar. bo saklai kha, aguli ni kai nwi kai tham booth o berai naikha bo sak baithang thangwi, kaisa kainwi pati mwng no karwi joto thai rogo no kaham khe no vote ungwi tongkha.Tongthoklai mani ter ni hai pha salo vote rwkha salthang Tripura achugthai ni loku rok.bihik Panchali bhattacharjee no logi twi rajakhor aguli ni sishu bihar school o vote rwkha haste ni kwcham montri okra eba Politburo ni ojama Manik sarkar bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
