Salthang tripura loksabha chongmari o vote rwkha haste ni montri okra Dr.Manik saha, loksabha chongmari ni puila dopha o rajakhor aguli ni tulsibati kwchug rwng nogo ah salo vote rwkha montri okra. vote rwoi pai khe no kebeng nai bodol ni kok silsamwng tub mani o kok phirokha montri okra. kebeng nai bodol ni polling agent rok no mwng sa thai rogo phano kebeng mwng khwlai mani abo hai nukya kho hwnui sakha montri okra. phiya ba abo hai pati mwng soi soi khe ungwi tongkhe, ah samwng rok belai khe no chaiya hwnui bo sakha montri okra. abo ni logi teibo saklai kha, pati mwng soi ungkhe nangkuk mani sep naharnai chongmari commission. Democracy ni joto ni kotor ter songsa jakha, joto no tongkwchang habar ni bising twi no vote rwnai hwnui sakha pha salo montri okra Dr.Manik saha. joto ni swlai kwtal voter tei bwrui rok no kaham khe vote rwna ni bagwi kobok mwng khwlai kha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
