Lahar patimungo langma arinai malkhung chaloknai ni nukhungni gana oh bhachaphaikha All Drivers Welfare Association Members sng. Thanai december ni talo kaisa lahar patimungo thwikha Teliamura Banor Chowmony amchai oh tongnai Jibon Sarkar ni khorok sa lory malkhung chaloknai. Tabok thwi thangnai malkhung chaloknai ni bihik, khoroktham bwsa no twiwi belai no kosta oh tongo. Aboni bagwi no Bisi kwtal ni swkang thwinai malkhung chaloknai ni nukhungno chubachu khwlaina bagwi bwskango phaikha All Drivers Welfare Association Members sng. Thwinai lory malkhung chaloknai Jibon Sarkar ni nukhungni borok rokno bisi kwtal no kitingwi richum-rok, chajaknai manwi khwnwi tei 14 thousand rang case yapharwi rikha association ni members sng. Abono twiwi Khowai hangkhor ni tangphan Chiranjit Sarkar sakha, Jibon Sarkar lahar patimungo thwiya, bono bwse bwtharo. Phiyabha oh patimungo naimwthang bodol mungsa bo yapri naharya, tei haphangni bwkhak twi bo thwinai malkhung chaloknai ni nukhungni borok rok mungsa bo chubachu manyakhu. Aboni bagwi no bisi kwtal ni jora oh borokni mwkhango mwnwimung tubuna bagwi, bini nukhungni borok rokno chubachu khwlaina bagwi bwskango phaikha All Drivers Welfare Association Members sng. Khursathai kwlai oh, swkango bo haste ni kwbangma thai oh lahar patimungo thwinai rokno chubachu khwlaikha All Drivers Welfare Association Members sng, tei phainai salo bo abohai khe chubachu khwlaiwi thangnai hinwi sakha bodol ni tangphang Chiranjit Sarkar.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
