Kaisa jora o CPIM bodol congress no naslejak mani, tabuk khe ah kai nwi bodol no thansa ung laikha. kwdukma jora romwi congress tei CPIM bodol batialai mani nugwi mankha haste ni loku rok. nwi chi ba bisi ni yaksi hapang no mechen rwoi 2018 bisi o Tripura haste kwtalhapang khatorkha abo ungkha bharatiya janata party, phiya ba ah jora khorok nwi khorok tham adong jora bai baksa khe bharatiya janata party bai gwdalwi thang kha, montri ni sep bo mankha, phiya ba ah sep rok kaham k he manya ni bagwi tabuk khe teisa congress bodol bai no kwrung kha. abo ni ulni simi no deramwng o kwlai nani nang kha CPIM tei congress. tabuk khe kwdukma jora ni choba no pogwi thansa unglaikha CPIM tei congress, tangwi hwnkhe 2018 bisi o bidhansabha chongmari ni khola o tongmani Biplab kumar deb. Tripura ni thung kwrung ni habar no naitho thok khwlaikha Biplab kumar deb, tabuk khe loksabha chongmari o bharatiya janata party ni bwkhak twi Biplab kumar deb ni mwng saklai rwjakha. ah phuru ni simi no teisa congress tei CPIM ni kotor kotor adong rok wanamwng o kwlai kha, borok saimankha chongmari o borok loku rok ni support mangalak. tangwi hwnkhe haste o Biplab deb ni kahai khorok sa kaham borok kwrui kebeng nai bodol o. saichung batawi mangalak abo ni abgwi no thansa unglaikha, simi phan o phaina bagwi, waisa jora ni bagwi phano wansukliya, agi rogo tamo khwla kha CPIM rok.je borok langma arimani borok ni tamo chaiya tong mani CPIM tei congress no support khwlawi. ah phuru tangwi borok thansa ungliya, tabuk khe bharatiya janata party no phan ni simi norna bagwi thansa unglai kha. loku rok nok ni borok no kwma mani abo khe pogwi da thang nai, haste ni loku rok no tamo wansuk, haste ni loku rok joto kok no mwitu tonkha, ah thansa no kebo support khwlai galak. abo rok lai thanai 2023 bisi ni bidhan sabha chongmari o nugwi mankha. tabuk khe tong kosong loku rok ni kaisa no swng mwng thansa tamo ni bagwi, abo ni kok phirok mwng nang o haste ni loku rok. phiya ba abo rok haste ni loku rok no vote bai khwlawi phunugwi rwnai hwnui wansuk mwng thung kwrung mohol ni bwkhak twi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
