10 april salmari eba swrang salni simi chengwi rwjakha loksabha chongmari ni nok nogo thnagwi vote naharmani samwng bwtang. khorok sa phano vote rwoiya khe tongwi mangalak, abo ni bagwi sep naharkha chongmari commission, ah pirlai mwng no logi ntwi no yakung yak kwrui, himwi manya tei umar char chi ba bisi ni se kwbang voter rok ni bagwi abo hai sep naharjakha, salthang tripura loksabha achugthai tei ramnagar bidhan sabha achugthai ni by-election ni bagwi vote naharjakha swrang salo. tini vote rwkha 7 ramnagar bidhan sabha kendra ni umar char chi ba bisi ni se bo kwbang chakrajwk, chakra tei PWD voter rok. salthang Tripura loksabha kendra o abo hai voter tong o 4 thousand’s 581 jona tei salka Tripura loksabha kendra o voter tong oh 4 thousand’s 720 jona. chongmari commission ni kaisa bodol nok nogo thangwi vote naharkha. ah jora o swrang salo phawi manjak phai kha haste ni chief electoral officer Punit Agarwal, salthang hangkor ni hangkor naikolnai eba salthang loksabha kendra ni returning officer Dr.Bishal kumar ni logi kwbui ni naikolnai tei samwng khwlainai rok. 10 tei 12 april salmario o salthang tripura loksabha achugthai ni bagwi tei phai tong nai 17 tei 18 april salmari o salka Tripura loksabha achugthai ni bagwi nok nogo thangwi vote naharnai hwnui swrang salo saklai khahaste ni
chief electoral officer Punit Agarwal. Postal ballot bai khwlawi vote naharjakha hwnui swrang salo sakha salthang hangkor nai hangkor naikolnai eba Tripura loksabha kendra ni returning officer Dr.Bishal kumar. line romnan nangya twi nogo achugwi no vote rwoi manwi tongthok laijak umar char chi ba bisi ni chakra, chakrajwk tei PWD ni voter rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
