Jora kolokma romwi sikirwi khorok nwi chwrai ni buma no rompheremani kahai samwng sitra khwlai tongkha hwnui abo hai khe no kok silsamwng kasa kha khorok sa sikla ni phasing. joto pati mwng no twi police samwng sitra khwlainai no romkha, pati mwng o saimankha, Tripura khowai hangkor ni kalyanpur thana amchai ni gopal nagar ni tong nai thwi thang nai Phonibhushan das ni bwsajwla Partha das kalyanpur thana amchai ni tong nai khung sa nwkhung ni hamjwk no romphemani kahai samwng sitra khwlaikha. agi ni simi no sinilaijak sawi samwng hamya khwlainai Partha das private pori rwna ni bagwi phawi nwkhung ni hamjwk bai samwng sitra khwlaikha. abo ni ulo ah nwkhung ni hamjwk Partha das no saklai kha phano mwng sa bo samwng ungliya. ah samwng sitra khwlainai mobile o hamya video khwlawi black mail khwlawi romphemani kahai samwng sitra khwlai kha jora kolokma romwi nwkhung ni hamjwk bai. kok silsamwng, aguli o tongmani jora o Partha ah nwkhung ni hwmjwk no dal bidal thai o twlangwi video viral khe rwnai sawi social media o,abo hai khe sa sawi romphemani khwlaikha. paithago ah nwkhung ni hamjwk bini bwsai no joto kok no sawi khuna rwkha. teibo saimankha, Partha das sal burum burum no ah bwrui no phone bai khwlawi satug mwng khwlai o, bwsai tei chwrai no bwthar khibnai hwnui bo bai samwng sitra khwlaiya khe. abo hai jora o ah bwrui ni logi bacha kha bini bwsai. logi logi no pati mwng sai manwi thana o dorbar khwlaikha, kalyanpur thana ni police agartala salthang thana ni sep bai romphenai nai Partha das no romkha, pati mwng sai mankha, Indian Penal Code o 376,417,323,506 dhara o Partha ni phasing dorbar khwlaijak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
