Loksabha vote o sikla hoda no twi pirlai mwng khwlai tongkha BJP. sikla hoda ni gana tongwi kendriya hapang ni dal bidal samwng bwtang ni pirlai mwng khwlai tongkha, phai tong nai 19 april salmari o haste ni salthang Tripura achugthai ni chongmari. sal thang Tripura achugthai ni simi BJP ni batainai ungwi India allince ni congress ni batainai Ashish kumar saha bai batainai haste ni kwcham montri okra Biplab kumar deb. tei ah chongmari no kitingwi no swrang salo Biplab kumar deb ni support o 6 agartala mondal ni luajimung bai yuba morcha ni achugphang eba MLA Sushanta deb ni naikolmwng o 6 no. agartala kendra ni dal bidal amchai yuba morcha ni bwkhak twi kotor bike rally khwlai mani nukjakha. ah salni rally o phawi manjak phaikha pradesh BJP ni achugphang jwk Papiya dutta bo. ah salni bike rally o phawi pradesh BJP ni yuba morcha ni achugphang Sushanta deb saklai kha, hakotor o kwrak hapang khator nani bagwi tei montri bokhorok Narendra modi ni yak no teibo kwrak khwlaina bagwi chung yuba morcha ni bwkhak twi samwng khwlai tongkha tei salthang Tripura loksabha achugthai ni BJP ni batainai Biplab kumar deb no kwbang kuk vote bai khwlawi kwplai khwlai na bagwi chini naikol mwng. 6 agartala mondal ni bwkhak twi swrang sal ni bike rally o yuba morcha ni samwng khwlainai rok kwbang no phawi manjak phai kha, tei abo ni simi sai mankha, phai tong nai 19 april salmari o tamo ung nani nai tongkha, abo hai khe no bike rally oh phawi samnai nukjak kha pradesh BJP ni achugphang jwk Papiya duuta no. 6 agartala ni dal bidal lama berailai kha ah salni bike rally. ah salni bike rally o kwbang no loku rok phawi manjak phai mani nukjakha.
