Khung sa nok ni simi sokjak khorok sa bwrui ni mang kwthui mankha swrang salni phung o. ah patimwng rajakhor aguli bai khobjak panchamukh amchai o hwnui saimankha, tei khak sa phasing khe koktwma manwi patimwng thai o thangwi sogwikha forensic team tei dog squad. amchai ni loku rok ni wansukmwng, ah bwrui no romphejak mani khwlai mani ulo bwtharwi kwlangkha hwnui. tangwi hwnkhe nok ni simi sak oh ri-chum kwrui ah bwrui ni mang kwthui mankha, amtali thana ni SI.Hirendra debbarma saklai kha, swrang salni phung o dam chuku o thana o koktwma phawi sokphai kha lai thanai sal chi nwi ni romwi panchamukh amchai ni tong nai Mira Deb umar ba chi tham bisi ni bono nok ni simi ongkhor mani rok nukliya hwnui.bo ah nogo saichung no tong o hwnui saimankha, logi logi no police pati mwng thai o thangwi nugwi mankha nogo phatar ni simi tala khachi jak. tala swbawi nog bising o habwi nugwi mankha sak oh richuk kwrui ungwi tola o kwlai kha Mira deb ni sokjak mang kwthui, police mang kwthui no khochawi cherwi naikolna bagwi sakham nogo rohor kha, phiya ba bobo hai khe thwi kha abo rok tabuk sak phano kebo sai manya kho. cherwi naikolmani ulo sai man nai bobo hai khe thwi kha hwnui. tei khak sa phasing khe amchai ni loku rok ni wansukmwng, mira deb no romphemani kahai samwng sitra khwlaimani ulo bwthar kwlang kha hwnui, tangwi hwnkhe nok bising ni ri-chum kwrui khwlawi mang kwthui mankha.
