Teliamura Gamaibari hukbar tangbedekni mwikhutung kaham khe tonijak stoe eba Cold Storage mechine hamya wngmani bagwi 2018 bisi ni swkangno mechine hamya wngwi thangkha. Oh cold storage oh Teliamura ni joto alok kainai rok borokni alok no tubuwi safety khwlaiwi tonioh. Aro tongmani alok bai no bisi rwgwi kwbangma hati oh alok tikhalaijakgwi tongo. Alok kainai hukbar rokno chajakna kirijagwi ah jora ni phang eba yakchu bodolni jora oh ah cold storage no mwthagwi rikha communist haphang. Phiyabha tabokni haste haphang haste ni hukbar rokni hamkrai ni bagwi samung khwlaiwi tongo. 2018 bisi oh haste bjp haphang phaimani yagulo alok kainai rokni kok no wansugwi ah cold storage no hai no hai chengsawi rikha Teliamura ni MLA Kalyani Saha Roy. Hukbar tangbedekni bwkhak twi rang tei chubachu khwlaijakha. Tabok Teliamura bwkhaste ni hukbar tangbedekni Supervisor Dr. Subrata Roy ni naikolmungni bising twi no Gamaibari ni cold storage no sadukjagwi tongo. Aboni yagulo bo teibu sakha, Hukbar tangbedekni BLW center bai kwrwngwi alok kainai rok borokni alok no oh center oh tubuwi toniwi manai. Alok kainai rok 6 month ni pore quintal oh 160 khwlaiwi tei bania khwlainai rok no quintal oh 190 rang rinani bagwi dor thepakha.Teliamura Gamaibari ni hukbar tangbedekni cold storage hai no hai chengsajakmani yagulo amchaini lukorogni teisa hamari wngnai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
