10,323 rwng phwrung nai rok no sebok o tichok mani CPIM, sak ni bodol ni samwng khwlainai rok no puila sebok o tichok mani, BJP hapang borok ni sebok segwi naharliya. 10,323 rwng phwrung nai rok ni phasing dorbar khwlai mani 6 agartala ni MLA.joto no sini oh bono, 6 agartala mondal ni bitarban anchal o songsa jak mani kaisa bodol ni panda o phawi manjak phawi Sudip roy barman ni phasing cha sal ni horo khuk kengkha haste ni kwcham montri okra eba 2024 bisi ni loksabha chomgmari o salthang Tripura kendra o bharatiya janata party ni simi batainai Biplab kumar deb.mwng saiya karwi congress ni MLA Sudip roy barman tei bini bupha Samir roy barman ni phasing naharwi khuk kengkha. bo teibo saklai kha, montri okra tongphuru ang chaitogmani 10,323 rwng phwrung nai rok no twi. borok ni phasing kaham sep nahar mani bagwi suprem court ni thani o kobokmwng bo khwlaikha. phiya ba borok no abo hai tomung sabo khwlai kha? abo rok no phunugwi tongkha haste ni tong kosong loku rok. Tripura oh CPIM kwrui, Tripura ni haa CPIM ni bagwi ya. Tripura ni bubagra rok kebo satugmwng khwlaiya, bwrui rok no borom rwmani bo agi rogo nukjago. haste o school, college,sakham nok, airport swnamwi rwkha Maharaja Bir Bikram Kishore Manikya. congress rok no CPIM no lama phunugwi Tripura o tubwi phai kha, bwsala tei bupha thansa ungwi haste no deramwng rogo khiklai kha,6 agartala kendra ni congress ni MLA Sudip roy barman tei bini bupha Samir roy barman no cha salo abo hai khe no naharwi kok sakha Biplab kumar deb. abo ni logi bo ssakthar mwng rwkha, bo tongkhe 6 agartala kendra ni tong kosong loku rok ni thinang no twi kebo thungwi mangalak. Phai tong nai loksabha chongmari o haste ni loku rok phunugwi rwnai hwnui wansukmwng 2024 bisi ni loksabha chongmari o salthang Tripura kendra ni simi bharatiya janata party ni ungwi batainai Biplab kumar deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
