Udaipur ni Tripureswari ama ni thani kokti salo mwtai rwkha bharatiya janata party ni pradesh achugphang Rajib bhattacharjee. phai tong nai loksabha vote ni swkang Tripureswari ama mwtai nogo ah salo haste ni loku rok ni surimwng sanmani nukjakha bono. 2024 bisi ni loksabha chongmari o salthang Tripura achugthai ni simi haste ni kwcham montri okra Biplab kumar deb tei salka Tripura achugthai ni simi Tripura royel family ni sajukma Kriti singh debbarma no batainai hwnui chonghorwi rwkha bharatiya janata party. phai tong nai chongmari o ah khorok nwi batainai no kwbang kuk vote bai khwlawi kwplai khwlaina bagwi matabari o thangwi mwtai rwkha hwnui kokti salo saklai kha pradesh BJP ni achugphang Rajib bhattacharjee.Loksabha chongmari no twi motha no teibo phan kwbang khwlaina bagwi pirlai mwng khwlai tongkha sapung hopung romwi bharatiya janata party, salthang tei salka kai nwi achugthai o no kwplai ungwi montri bokhorok Narendra modi no sokat rwna ni nai tongkha pradesh BJP. tei naikolnai bodol ni montri, MLA tei haste ni joto kwchug thai ni naikolnai rok ni simi chengwi bodol ni samwng khwlainai tei anikolnai rok achuglai mwng khwlai tong kha bharatiya janata party ni pradesh achugphang Rajib bhattacharjee bai. Tripureswari ama no mwtai rwmani ulo 39 manu mandal ni wbkhak twi songsa jak mani kaisa achuglai mwng o kokti salo thangwi manjak kha bo. Tripura haste ni kai nwi loksabha achugthai o no kwbang kuk vote bai BJP ni batainai rok no kwplai ung nai hwnui wansuk mwng Rajib bhattacharjee ni.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
