Teliamura thana bai khobjak Jarwilongbari ni Farmers Enlightenment Centre ganani blongo khungsa nukhungni hamjwkni mangkwthwi mankha. Dool no kitingwi swrang salni horo Jarwilongbari amchai oh tongnai Surjyaram Reang tei bini bihik Santi Debbarma belai chuwak nungwi thoka. Phiyabha hor kwthogo Santi Debbarma nogni ongkhorwi thangkha hinwi sakha bwsai. Asalo Surjyaram Reang bo belai chuwak nungjak ni bagwi bihik nogni ongkhorwi thangfano sarugwi manliya bo. Aboni yagulo sangrong salo sapungno ruruklaikha Santi Debbarma no, paithago amchaini lukorog tei bini nukhungni borok rok Jarwilongbari ni Farmers Enlightenment Centre ganani blongo sago ri-kwrwi khwlaiwi Santi Debbarma ni mangkwthwi mankha. Aboni logi logi no Teliamura thana no koktwma horjakha. Aboni pore Santi ni mangkwthwi no post-mortem khwlaina bagwi Teliamura sakham nogo twlangkha. Tamoni bagwi thwikha abono twiwi kwbangma koksilsamung kasajak. Phiyabha post-mortem khwlaimani yagulo no sawi manai tamoni bagwi thwikha bo. Belai chuwak nungmani bagwi da thwikha? na kebo da bwtharkha, abono twiwi naicherwi tongo police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
