Sangrong salni horo Teliamura thana bai khobjak Nayanpur Champlai amchai oh belai no wanama sinsa patimung patikha. Bwkra bari oh manwi khokna phaiwi amchaini lukorog bai romjakha nukhungni chamri. Koktwma oh saimankha, Champlai amchai oh tongnai Ranadir Roy ni chamri Sukhranjan Roy bini bwkrabario bini bayap no twiwi nogni tala rok swbaiwi nogni almari, surkesh rok swbaiwi aro ni manwi khwnwi twlangphuru amchaini lukorog bai romjakha chamri tei bini bayap. Koktwma oh saimankha, Sukhranjan Teliamura thana bai khobjak Howaibari amchai oh tongo hinwi saimankha. Koktwma oh saimankha, nukhungni mungsaswk bejua ni bagwi bwkrajwk nogo tongya. Tei bwkra bo jora jora oh nog bokcha khibiwi no ongkhorwi thango hinwi saimankha. Tei baisa bwkhak aboni sai swkang bo bwkra no siya manwi nogni mosok tei nangkukmani manwi khwnwi khogwi bini chamri hinwi koksilsakha amchaini lukorog. Sangrong salo bwkra nogo kwrwi ni manwi khokna phaikha chamri. Aboni yagulo amchaini lukorog chamri tei bini bayap no Teliamura police ni yagu yapharwi rikha. Tabok police rok kaham khe naicherwi tongo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
