Haste ni kwcham montri okra no teisa hamjakmani mangpili nukjakha swrang salo. rajakhor aguli o kotor michil khwlawi 27 march salmari eba swrang salo nomonation bwlai joma rwkha bharatiya janata party salthang Tripura loksabha kendra ni batainai Biplab kumar deb. rajakhor aguli ni rabindra bhavan ni bwskang ni simi michil khwlawi salthang hangkor naikolnai ni haba nogo thangwi hangkor naikolnai Dr.Bishal kumar ni thanai nomination yapahrwi rwkha bo. ah kotor michil oh phawi manjak phai mani nukjakha haste ni montri okra Dr.Manik saha, Tripura hapangni rangthong montri Pranajit singh roy, hukbar tang bedek ni montri Ratan lal nath, cooperative tang bedek ni montri Sukla charan noatia, Tipra motha ni kwcham supremo bubagra Pradyot kishore debbarman, pradesh BJP ni achugphang Rajib bhattacharjee tei Tripura mohila morcha ni achugphang jwk Mimi majumdar, ah sal ni michil o bodol ni ungwi kok khengkha montri okra Dr.Manik saha. hakotor ni montri bokhorok Narendra modi ni samwng ni phasing no naharwi samwng khwlai tongkha bo,phai tong nai loksabha chongmari o kwbang kuk vote bai khwlawi no Narendra modi no wai tham ni bagwi bharat ni montri bokhorok ung nai hwnui chaitogmwng bini. Haste sabha ni dagiphang ni barja yaphar jak mani logi oh asuk sal romwi hariyana ni pravari ungwi samwng khwlai tong mani Biplab kumar deb, tei swrang salo nomination bwlai rwna phuru bini logi o nukjak kha hariyana ni tabuk ni montri okra Nayab Singh Saini tei kwcham montri okra Monohar lal Khattar no.Tripura ni montri okra Dr.Manik saha ni naikol mwng o Tripura haste ni kai nwi loksabha achugthai o no kwbang kuk vote bai bharatiya janata party ni batainai rok no kwplai ung nai hwnui sakha hariyana ni tabuk ni montri okra Nayab singh saini. Kwbang no bodol ni samwng khwlainai tei naikol nai rok ni logi oh haste ni joto loku rok ni kha kaham no logi twi no swrang salo nomonation bwlai yapharwi rwkha Biplab kumar deb, ah sal ni michil o kwbang no loku kwthumlai mwng ung mani bo nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
