Phai tong nai 2024 bisi ni loksabha chongmari no bwskang o tonwi 18 surjyamani nagar mandal ni bwkhak twi kwrak salo 1 no. booth office ni nok songsai rwkha Bharatiya janata party, sak ni samwng ni bagwi tei samwng khwlainai rok ni bagwi swnam jak kha booth office. kwrak salo ichabazar 7 star club gana amchai o chongmari ni booth office songsai rwmani panda no kitingwi bodol ni samwng khwlainai rok kwbang no phawi manjak phai mani nukjakha. ah salo booth office songsa jak nani swkang kaisa kotor michil khwlawi ichabazar amchai ni dal bidal lama berailaikha. ah booth office songsa jak mani panda o phawi manjak phai kha amchai ni MLA eba bidhan sabha ni deputy speaker Ramprasad pal ni logi bodol ni samwng khwlainai tei naikolnai rok.haba nogo bodol ni bana bai khwlawi naithothok khe sajukha, abo niulo kwtal haba nogo habwi no samwng chengwi rwkha jotono. kokthum thumnai ni bwskang o Ramprasad pal khuk kengkha phai tong nai loksabha chongmari o salthang Tripura ni simi kwplai ungnai Biplab kumar deb no kwbang kuk vote bai kwplai khwlai nani bagwi tei joto ni nok nogo thangwi bo koi mwng khwlai nai BJp no vote rwma mane no montri bokhorok Narendra modi no vote rwkha. abo ni logi bo teibo saklai kha montri bokhorok Narendra modi chini haktor no hayung ni bwskang o joto ni swlai kwchug o karwna ni emang ah emang no tabuk soi ung nani nai tongkha. Kwrak salni michil o Ramprasad pal ni logi phawi manjak phai kha BJP bodol ni adong song bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
