Santir bazar bolong tang bedek ni okra naikolnai rok ni office beskang ni amchai oh cha salo lahar pati mwng o thwi kha khorok sa, patimwng o saimankha santir bazar bwkhaste ni birchandra manu hati ni simi nogo kiphilwi tong mani jora oh santirbazar bwkhaste bolong tangbedek ni office gana amchai o lahar pati mwng o kwlai kha khung sa auto malkhung. sago dukhu manai Maran shil ni mwngui khorok sa borok saklai kha auto bising o tong nai tei auto chalugnai khorok nwi no chuwak nungjak hwnui. chuwak nungwi dowi malkhung chalugwi tong mani bagwi lahar p ati mwng o kwlai kha auto malkhung. pati mwng thaio no langma chokha Parimal sarkar ni. pati mwng ni ulo pati mwng thai ni simi kharwi thang kha auto biisng o tong nai khorok nwi no. pa ti mwng o sago dukhu man nai tei langma chinai khorok nwi no belonia bwkhaste ni motai amchai ni tong nai hwnui. borok no pati mwng thai ni simi khochawi santirbazar hangkor sakham nogo twlang thangkha santir bazar hor bwthar tang bedek ni samwng khwlainai rok. pati mwng no twi cherwi naikolwi tongkha Police. tei khak sa phasing khe salsa ni bising oh no no baikhora thana bai khobjak kalsimukh amchai o lahar pati mwng o sago dukhu mankha khorok sa bwrui. birchandra manu thang nani bagwi ongkhor mani manirampur amchai ni tong nai Santidevi Tripura kalsimukh amchai o sokphai khe khung sa scooty phawi thutai rwkha Santidevi Tripura no, sao dukhu man nai no puila bikhora sakham nogo twlang thang khe aro ni saknaikol nai rok refer khwlai kha santirbazar hangkor sakham nogo. scooty chalugnai kharwi thang phano scooty ni lombor saimankha, abo no twi no cherwi naikolwi tongkha police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
