Montri bokhorok narendra modi no haino hai hakotorni montri bokhorok swnamna bagwi sak tharwi samung khwlaiwi tongo bodolni tangkrak rog.oh naharmungno tonioi no cha salo agartala dulio kaisa kotor himbotok panda khwlai kha BJP Yoba morcha bodol. ah salo agartala ni rabindra satabarsiki bhavan ni simi himbotok chengwi agartalani kwbangma thai beraima yagulo paradise chowmuhani amchaio phaiwi kaisa koklam panda khwlaiwi ah himbotok mwthakjak kha. ah salni himbotokgo manjak kha hasteni montri okra Dr.manik saha , haste rwk BJP bodolni achukphang Rajib bhattacharjee , mayor Dipak Majumdar ,salka tei sal thang hangkhorni simi BJP bodolni wngwi Phainai loksabha oh batainai Kriti singh debbarma tei Biplab kumar deb tei yoba morcha ni achukphang sushanta deb no khobwi kubuni ojama rog. ah salo kok narwkna thangwi montri okra DR.manik saha sakha , agi hasatei chongmari hinkheno hor phwnanglainani , bulai nani tei manwi rog hamya khwlainai mangno . phiya hasteo BJP haphang phaimani yagulo tabok hasteo belaino tong kwchangni bisingtwi chongmari khwlaijakgwi tongo. mungsa hamya tongmung nukjakya hasteo.ah salo kok narwkna thangwi hasteni joto sikla rogno drugs ebe joto phekjaknai manwini simi yak kakna bagwi koi kha salthang hangkhorni wngwi batainai Biplab kumar deb.bo sakha sikla dopha rogno hasteni kuchukgo twlangnai . amoni bagwi hamya samung khwlaiya karwi kaham samungo yak rioi hasteni kaham khwlaina bagwi koi kha bo. ред
haste BJP achukphang Rajib bhattacharjee sakha, agi oh yaksi bodolni hamya naikulmungno kebengwi khorang tisama jora kwbangma congress ni tangkrak rog lang ari kha . phiya tabokni jorao hinkhe sdak baithangni lab ni bagwi oh kwnwi bodolni tangkrak rog thansa wngwi hamkwraini samungo kebegwi tong kha.
byte- rajib
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
