BJP haphang phaimani yagulo joto bwkhak no khobui low & order bo teibu hamkrai wngkha. Tabok tiprasa tei joto bosongni lukorog thansa wngwi thangkha. Swkango IPFT bai thansa khe samung khwlaikha tei tabok Tipra motha bai thansa khe samung khwlaiwi tongo. Loksobha chongmario Tripura ni kainwi achukthai no montri bokhorok no rina bagwi sak tharwi samung khwlaiwi tongo. Phasalo Badharghat mondal ni luajimung bai Charipara amchaini kokpirmungo manjagwi abohai no sakha haste ni montri okra Dr.Manik Saha. Asalo salthang Tripura loksobha kendra oh Bjp ni wngwi batainai Biplab Kumar Deb no support khwlaina bagwi no chongmarini kokpirmungo ongkhorkha montri okra. Sal kisa ni yagulo no haste ni kainwi achukthai oh chongmari wngnai. Election commission ni raida no twiwi phainai 19 April ni salnario salthang Tripura tei 26 April ni salmario salka tripura oh chongmari wngnai. Chongmari ni sal sakhwlaina swkangno kokpirmungo ongkhorkha BJP bodol. Sal kisa swkangni simi haste ni joto hangkhor ni kokpirmungo panda oh thangwi tongo montri okra Dr.Manik Saha. Phasalo aboni wngwi no Badharghat BJP mondal ni luajimung bai songchajak Charipara ni kaisa rally oh manjakha montri okra Dr.Manik Saha. Montri okra kha-khwlaikha montri bokhorok Narendra Modi no puito chao lukorog, aboni bagwi phainai loksobha chongmari oh BJP bodol 400 Sai kwbang achukthai manwi kwplai wngnai. Kainwi achukthai oh no kwplai wngwi Narendra Modi no kainwi achukthai gift rinai tripura haste ni lukorog. Lukorog support chini logi no tongo hinwi kha khwlaikha montri okra Dr Manik Saha. Asalni pandao montri okra ni karwi bo manjakha
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
