Sangrong salo ED bai romjakha Delhi ni montri okra Arvind Kejriwal. Excise policy cases no twiwi romjakha AAP ni ojama Arvind Kejariwal. Sangrong salo ni sarigo Delhi ni montri okra ni tongthai nogo thangkha ED ni officers rok. Oh excise policy cases mamla bai no yakchu montri okra Manish Sisodia no alongo chopkha, ah mamla no twiwi kok sungna bagwi no montri okra ni Thani sagwikha hinwi saimankha. Intelligence Agency ni bwkhak twi Kai chuku bar Delhi ni montri okra ringjakha, phiyabha bo thangliya. Sangrong salo Search warrant no twiwi ED ni officers rok montri okra ni tongthai nogo thangkha. ED thangmani koktwma manwi AAP ni ojama rok bini nogo thangwi sagwikha. Tei ED no kebengwi jolilaimung phunukkha AAP ni sipai rok. Koktwma oh sawi mankha, Arvind Kejriwal no kok sungphuru bini phone, tab tei laptop rok ED rokni naikolmungo tonijakha. Excise related ni mamlao bono kebengwi kono mungsa kwrak yapri ta naharthung hinwi aboni ni sai swkang no High-court oh koikha Arvind Kejriwal. Phiyabha bini koimung no refuse khwlaiwi rikha dorbarphang. Paithago romjakha AAP ni ojama. Khursathai kwlaio, Arvind Kejriwal romjakmani yagulo excise policy cases no twiwi Supreme court oh thangnani bagwi yapri naharkha AAP bodol. Aboni sai swkang excise policy cases mamla bai no Delhi oh Manish Sisodia, tei Sanjoy Singh no romkha ED. Aboni yagulo Delhi ni montri okra Arvind Kejriwal no Pressing demand khwlaikha ED.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
