Number kwrwi khungsa bike malkhung bai thutaijagwi thwikha khorok sa TSR. Phainai chongmarino bwskango toniwi swrang salni hor kwthogo salgwra Tripura hangkhor ni Bhagon school ganani checking point oh naicherwi tongmani Churaibari thanani police tei TSR. Assam haste ni simi phainai number sara kaisa pulsar bike belai no speed khwlaiwi phaikha, ah bike no bathakrina bagwi chaitokphuru TSR no pherkha. Aboni yagulo bike chaloknai tei TSR khorok nwi no lamao kwlaikha, Aboni yagulo TSR no khochawi Kadamtola sakham nogo twlangkha. Aro twlangwi naikoljakmani yagulo belai no sak hamya wngmani bagwi Dharmanagar ni sakham nogo refer khwlaijakha. Phiyabha hangkhor sakham nogo sagwinani swkangno lamao langma arikha ah TSR ni. Police ni bwkhak twi saimankha, Ah TSR ni mung Sandama Darlong, 13 no TSR battalion oh riffleman wngwi sebok khwlaiwi tongmani. Bini nog Dharmanagar ni Baithangbari. Thwimani koktwma manwi sakham nogo thangkha Churaibari thanani OC Samaresh Das, Additional Superintendent of Police Jay Darlong no khobui Churaibari tei Dharmanagar ni police. Sangrong salni phungo patimung thaino goriwi naina thangkha salgwra hangkhor ni police super Bhanupadha Chakroborty. Koktwma thumnai rokni bwskango bo sakha, belai no kha-khammani kok. Duty khwlaimani jorao bike bai thuthairijagwi thwikha khorok sa TSR. Patimungno twiwi Churaibari oh kaisa mamla khwlaijakha. Tabok patimungno twiwi naicherwi tongo police. Post mortem khwlaimani yagulo sangrong salo Churaibari thanani police ni yagu yapharwi rijakha TSR ni mangkwthwi. Police tei TSR ni bwkhak twi paithakni borom rijakha. Aboni yagulo tei baisa bwkhak sawi mankha, bike chaloknai Abbas Ali tabok phatar haste oh sak naikoljagwi tongo. Bini nog Kadamtola amchaio hinwi saimankha. Ah bike oh kisa ‘Agor’katt mankha hinwi saimankha. Oh katt hamya raida bai phalwi tongo wansukkha police. Duty khwlaiwi tongmani jorao khorok sa TSR abohai khe thwimani bagwi belai no kha-khamlaijak haste ni naimwthang bodol.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
