Hukumu rwkjak pandano twiwi kok banglai kha rwng nogni phwrwngnai twi rwng swrwngnaini buma bupha rog. halokno thamokna bagwi paithakgo patimung thaio police ringkha rwg nogni principle. patimung dharma nagarni bhagyapur indramani madhyamik vidyalaio. patimungno twiwi saimankha, oh rwng nogo hukumu rwkjak pandano twiwi phwrwngna bagwi khoroksa rwng phwrwngnai kwrwi. phiya sectore officer phainai hinwi tang salo rwng nogni rwng swrwngnai rogni bwkhaktwi kaisa hukumu panda jugaljak kha. ah pandao khoroksa rwng swrwngnai bini bwkhani muchungwi tangsa rwchapmung bai mwsamung phunukna thangwi kok banglaina chengo rwng nogo. pandao ah mwsa mung chengsajakma yagulo rwng nogni phwrwngnai Radhakanta Sinha ah rwchap mungno mwthakgwi rwng swrwngnaino kotokna chengo. tamoni hinke ah rwchapmung habarbai gothokya hinwi. amoni logio rwng swrwngnaini kanmungno twiwi kok sakha ah rwng phwrwngnai. rwng nogni kwbangma swrwngnairog sakha , rwng phwrwngnai Radhakanta Sinha borogno je chatwi kotokgo tei yakbo tisao hinwi. omohai patimungno twiwino ah salo rwng phwrwngnai tei rwng swrwngnai rogni buma buphani kwcharo kok banglaimung chengsao.
koksilsamung rogno twiwi bini bwkhaktwi joto kok no narwk kha phwrwngnai Radhakanta Sinha. bo sakha sectore officer phaina jorao rwng nogni kaisa roomno belaino hamya khwlaimani khoroksa swrwngnai bono narwkna thangwino kisa yak tisajaktwi wngkha hinwi sakha bo . phiya ah patimungni ulo bini mungsa hamya naharmung kwrwi hinwi. paithakgo habar kwchang wngohano , tabok kwbangma kok kwsai tongo phwrwngnai Radhakanta Sinha ni bwkhakgo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
