Voice- Sak ni loku rok ni bagwi hoda o kaham samwng khwlai nai hwnui tong kosong loku rok ni kahai no samwng khwlawi tongkha bubagra Pradyot kishore debbarman. sak ni mwansukma ung thung eba naikol mwng ung thung mwng sa no wansugya karwi tiprasa loku rok ni bagwi samwng khwlai tongkha bubagra.sima o songsa jak mani BJP ni kaisa sabha o phawi manjak phawi Tipra motha bodol ni kwcham supremo Pradyot kishore debbarman no twi kokti salo khuk kengkha haste ni kwcham montri okra eba salthang Tripura loksabha achugthai ni batainai Biplab kumar deb. kwdukma bisi romwi no sinilaijak borok.2024 loksabha chongmari o Tripura haste o bharatiya janata party tei Tipra motha alliance ung mani abo rok belai khe no tabuk phan ungjak.Biplab kumar deb ni khuk oh kasai phai kha tiprasa loku rok ni bagwi bubagra ni kok. ah salo bo saklai kha agi ni sal rogo haste ni tiprasa loku rok no borom rwjakya, phiya ba tabuk khe tiprasa loku rok ni bagwi kaham no samwng khwlai tongkha bharatiya janata party. Biplab kumar deb no twi khuk baithang kok samani nukjakha bubagra Pradyot no bo, bo saklai kha, Tripura ni tiprasa loku rok no belai khe no hamjago Biplab kumar deb.lai thanai 2018 bisi o montri okra ungwi bajra yaphar jak mani ulo bru reang saranarthi rok ni bagwi kaham sep nahar kha bo.abo ni bagwi no tongthai mankha reang rok.montri okra tong phuru khumulung o wausa ni bagwi phano thangliya Manik sarkar, ah khumulung o tiprasa loku rok ni bagwi sakham nok songsai rwna ni bagwi salsa ni bising o 30 crore rang rwkha Biplab kumar deb, ah salo bo teibo saklaikha, salka tei salthang Tripura ni simi khorok nwi dellhi thang nai borok Tripura ni tiprasa loku rok no hamjaknai.BJP 1 no. simna mondal ni luajimung bai panchabati bazar maitri community hallo songsa jak mani kaisa sabha o kokti salo phawi manjak phai kha Tipra motha ni adong eba haste ni Industry and Commerce tang bedek ni montri Brishaketu debbarma, TTADC ni ojama Rabindra debbarma tei Runiel debbarma, BJP sadar gramin hangkor committee ni achugphang Ashit roy tei simna mandal ni achugphang Jogendra debbarma.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
