Chasalo Loksobha chongmarini sal sakhwlaijaknai. Chongmarini sal sakhwlaina swkangno kokpirmungo ongkhorkha joto thwngrwng habar ni bodol sng. Chongmarini sal sakhwlaina swkangno kokpirmungni rwchapmung tikhalaikha BJP bodol. Rwchapmungni mung rijakha ‘Modini nukhung’. Loksobha chongmarini kokpirmung swkangni simi no chengsawi rikha BJP. Montri bokhorok Narendra Modi ni simi chengsawi BJP ni joto ojama sng kokpirmungo ongkhorkha. Tabok montri bokhorok Narendra Modi ni mungwi bo rwchapmung tikhalaijakha. Rwchapmungni mung ‘Modi ni nukhung’. Modi haphangni kwbangma luko hamkrai ni projects tei tongkosong lukorog montri bokhorok Narendra Modi ni sakao puito khwlaimani rokno si khwna rikha. Montri bokhorok Narendra Modi sak baithang bo ah video no share khwlaikha. Khursathai kwlaio, talsa swkang Bihar ni kwcham montri okra Lalu Prasad Yadav montri bokhorok no yasi surwi sakha, montri bokhorok Narendra Modi ni nukhung to kwrwi hnk chwng tamo khwlainai?. Aboni yagulo no Lalu kok samano kebengwi kok kengkha BJP ni joto sipai rok. Borok joto no sak baithangno Modi ni nukhungni borok hinwi sinimung rikha. Tabok kendra ni montri ni simi chengsawi BJP ni joto sipai rokno social media oh Modi ni nukhung hinwi swikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
