Thanai bidhansabha chongmarini swkang aulino traffic jam ni kakrina bagwi Bottola hatio hamya raida bai jaga nawi bania khwlaiwi tongnai rokno norkha Agartala municipal corporation, aboni logi phekjaknai manwi phalnai rokni phalnogno swbai khibikha, phiyabha ah bania khwlainai rok bisi kolokma ramwi ah phalnogni bising twi no borokni nukhungno naikolwi tongo, borokni kok no wansugwi no borokno kaisa kok rikha Agartala municipal corporation. Tabok borokni kok no mwkthang khwlaina thangwi tongo Agartala municipal corporation. Bottola shiv mondir ni okologo bokcha jagao 18 bania khwlainai rokni bagwi shed swnamwi rijaknai. Aboni bagwi no phasalo ah jaga no naina thangkha Agartala municipal corporation ni mayor Dipak Majumder. Aboni logi ah thaio kaisa park bo swnamjaknai hinwi sakha mayor. Asalni naikolmungo bini logi tongkha corporator Tushar Kanti Bhattacharya, Janvi Das Chowdhury, Nitu Guha De, Municipal commissioner Shailesh Kumar Yadav.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
