Koktisalo montri okra Dr.Manik Saha ni yak ramwi Ambasa o Madhusudhan Saha youth hostel no feta rawi phiyogwi rikha. Asalni hostel phiyogmani yagulo montri okra sakha, haste ni joto bwkhaste o abohai youth hostel tongna nango. Haste ni thwngmungno hamkrai khwlaina bagwi no haphang abohai samung khwlaiwi tongo. haste ni tournament rokno aulini rwk khwlaiya karwi, bwkhaste rwk khwlaina bagwi no joto bwkhaste o youth hostel swnamjagwi tongo. 200 bed gwnang youth hostel swnamjakha. Montri okra Dr.Manik Saha sakha, Madhusudhan Saha khorok sa thwngkwrwng tongmani. Bo haste tei phatar hakotor o haste ni mungno chengsasa khwlaikha. Bono nangkukmani borom rina bagwi no tabokni haste haphang bini mungwi youth hostel khulogwi rikha. Ambasa Chandrai chhera amchaio swnamjakha oh Madhusudhan saha youth hostel. 10 crore 36 lakh rang swbaiwi swnamjakha hostel. Asalni pandao montri okra no karwi bo manjakha haste ni montri okra dr.Manik Saha, thwngtangbedekni montri Tinku Roy, Dholai hangkhor ni president Anadi Sarkar, thwngtangbedekni secretary Pradip Chakroborty no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
